|| श्री गुरुचरित्र चौदावा अध्याय ||

श्री गुरुचरित्र चौदावा अध्याय

श्री गणेशाय नमः श्री सरस्वतये नमः श्री गुरुभ्यो नमः नामधारक शिष्य देखा विनवी सिद्धासी कवतुका प्रश्न करी अतिविशेखा एकचित्ते परियेसा १ जयजयाजी योगीश्वरा सिद्धमूर्ती ज्ञानसागारा पुढील चरित्रविस्तारा ज्ञान होय आम्हासी २ उदरव्यथेच्या ब्राह्मणासी प्रसन्न झाले परियेसी पुढे कथा वर्तली कैसी विस्तारावे आम्हाप्रती ३ ऐकोनी शिष्याचे वचन संतोष करी सिद्ध आपण गुरुचरित्र कामधेनु जाण सांगता झाला विस्तारे ४ ऐक शिष्या शिखामणी भिक्षा केली ज्याचे भुवनी तयावारी संतोषोनी प्रसन्न झाले परियेसा ५ गुरुभक्तीचा प्रकारू पूर्ण जाणे तो द्विजवरू पूजा केली विचित्रू म्हणोनी आनंद परियेसा ६ तया सायंदेव द्विजाशी श्रीगुरु बोलती संतोषी भक्त हो रे वंशोवंशी माझी प्रीती तुजवरी ७ ऐकोनी श्रीगुरुन्चे वचन सायंदेव विप्र करी नमन माथा ठेवोनी चरणी न्यासिता झाला पुन्हा पुन्हा ८ जय जया जगद्गुरू त्रयमूर्तीचा अवतारु अविद्यामाया दिससी नरु वेदा अगोचरु तुझा महिमा ९ विश्वव्यापक तूची होशी ब्रह्माविष्णुव्योमकेशी धरिला वेश तू मानुषी भक्त जन तरवाया १० तुझा महिमा वर्णावयासी शक्ती कैची आम्हासी मागेन एक आता तुम्हासी ते कृपा करणे गुरुमूर्ती ११ माझे वंशपारंपारी भक्ति द्यावी निर्धारी इह सौख्य पुत्रपौत्री उपरी द्यावी सद्गती १२ ऐसी विनंती करुनी पुनरपि विनवी करुणवचनी सेवा करतो द्वार यवनी महाक्रूर असे १३ प्रति संवत्सरी ब्राह्मणासी घात करितो जिवेसी याची कारणे आम्हासी बोलावित असे मज आजी १४ जाता तयाजवळी आपण निश्चय घेईल माझा प्राण भेटी झाले तुमचे चरण मरण कैचे a १५ संतोषोनी श्री गुरुमूर्ती अभयंकर आपले हाती विप्र मस्तकी ठेविती चिंता न करी म्हानोनिया असे भय सांडोनी तुवा जावे क्रूर यावानासी भेटावे संतोषोनी प्रियाभावे पुनरपि पाठवील आम्हापाशी १७ जववरी तू परतोनी येसी असो आम्ही भरवसी तुवा आलिया संतोषी जाऊ आम्ही येथोनी १८ निजभक्त अमुचा तू होशी पाराम्पार वन्शो वंशी अखिलाभिष्ट तू पावशी वाढेल संतति तुझी बहुत १९ तुझे वंश पारम्परी सुखे नन्दति पुत्रपौत्री अखंड लक्ष्मी तयाघरी निरोगी होती शतायुषी २० ऐसा वर लाधोन निघे सायंदेव ब्रह्मण जेथे होता तो यवन गेला त्वरित तयाजवळी २१ कालान्तक यम जैसा यवन दुष्ट परियेसा ब्राह्मणाते पाहता कैसा ज्वालारूप होता जाहला २२ विमुख होवुनी गृहत गेला यवन कोपत विप्र झाला भयचकित मनी श्री गुरुसी ध्यातासे २३ कोप अलिया ओळंबयासी केवी स्पर्शी अग्निसी श्री गुरुकृपा होय ज्यासी के करील क्रूर दुष्ट २४ गरुडाचिया पिलियंसी सर्प तो कवनेपरी ग्रासी तैसे तय ब्राह्मणासी कृपा असे श्री गुरुंची२५ का एखादे सिंहासी ऐरावत केवी ग्रासी श्री गुरुकृपा होय ज्यासी कलिकलाचे भय नाही २६ ज्याचे हृदयी श्री गुरुस्मरण तयासी कैसे भय दारुण काल मृत्यु न बाधे जाण अपमृत्यु काय करी २७ ज्यासी नाही मृत्युचे भय तयासी यवन असे तो काय श्री गुरुकृपा ज्यासी होय यमाचे मुख्य भय नाही २८ ऐसे परी तो यवन अन्तःपुरात जावुन सुषुप्ति केली भ्रमित होवून शरीरस्मरण त्यासी नाही २९ ह्रुदयज्वाला होय तयासी जागृत होवोनी परियेसी प्राणान्तक व्यथेसी कष्टत असे तये वेळी ३० स्मरण असे नसे काही म्हणे शस्त्रे मारीतो घाई छेदन करितो अवेव पाहि विप्र एक आपणासी ३१ स्मरण झाले तये वेळी धावत गेला ब्राह्मणाजवळी लोळत असे चरणकमळी म्हणे स्वामी तुची माझा ३२ येथे पाचारिले कवनी जावे त्वरित परतोनी वस्त्र भुषणे देवोनी निरोप दे तों तये वेळी ३३ संतोषोनी द्विज्वर आला ग्रामा वेगावाक्र गंगातिरी असे वासर श्री गुरुचे चरणदर्शना ३४ देखोनिया श्री गुरुन्सी नमन करी तो भावेसी स्तोत्र करी बहुवासी सांगे वृत्तांत आद्यंत ३५ संतोषोनी श्री गुरुमूर्ती तया द्विजा अश्वासिती दक्षिण देशा जाऊ म्हणती स्थानास्थान तिर्थयात्रे ३६ ऐकोनी श्री गूरुचे वचन विनावितासे कर जोडून न विसम्बे आता तुमचे चरण आपण येन समागमे ३७ तुमचे चरणेविण देखा राहू न शके क्षण एका संसारसागरतारका तुची देखा कृपासिंधु ३८ उद्धरावया सगरंसी गंगा आणीली भुमिसी तैसे स्वामी आम्हांसी दर्शन दिधले आपुले ३९ भक्तवत्सल तुझी ख्याति आम्हा सोडणे काय नीति सवे येऊ निश्चिती म्हणोनी चरणी लागला ४० येणे परी श्रीगुरुंसी विनवी विप्र भावेसी संतोषोनी विनायेसी श्रीगुरु म्हणती तयेवेळी ४१ कारण असे आम्हा जाणे तीर्थे असती दक्षिणे पुनरपि तुवा दर्शन देणे संवत्सरी पंचदशी ४२ आम्ही तुमचे गावासमिपत वास करू हे निश्चित कलत्रपुत्रइष्टभ्रात मिळोनी भेटा तुम्ही आम्हा४३ न करा चिंता असाल सूखे सकळ अरिष्टे गेली दुख्खे म्हणोनी हस्त ठेविती मस्तके भाक देती तये वेळी ४४ ऐसे परी संतोषोनी श्रीगुरु निघाले तेथोनी जेथे असे आरोग्यभावानी वैजनाथ महाक्षेत्र ४५ समस्त शिष्यां समवेत श्रीगुरु आले तीर्थे पहात प्रख्यात असे वैजनाथ तेथे राहिले गुप्तरुपे४६ नामधारक विनवी सिद्धासी काय कारण गुप्त व्हावयासी होते शिष्य बहुवसी त्यांसी कोठे ठेविले ४७ गंगाधाराचा नन्दनु सांगे श्री गुरुचरित्र कामधेनु सिद्धमुनी विस्तारून सांगे नामकरणीस ४८ पुढील कथेचा विस्तारू सांगता विचित्र अपारू मन करुनी एकाग्रू ऐका श्रोते सकळीक हो ४९

इति श्री गुरुचारिताम्रुते परमकथाकल्पतरौ श्री नृसिन्हसरस्वतुप्ख्याने सिद्धानामधारकसम्वादे क्रूरयवनशासनम सायंदेववर प्रदानं नामः चतुर्दशोध्यायः
श्री गुरुदेव दत्तात्रेयार्पणमस्तु